Plantun de Prouvènço

Pèr coumpara dos planto d'encò nostre

Juncus littoralis & Stellaria nemorum

Juncus littoralis

Juncaceae

Noms en français : Jonc des grèves, Jonc de Tommasini.

Descripcioun :
Aquéu jounc se rescontro soulamen dins li sablo, darrié li duno de mar, dins lou relarg de plano de coustiero. Trachis en mato coume lou jounc-pounchu e ié sèmblo proun. Pamens se pòu destria que fai d'inflourejado mai ramificado e subretout emé soun fru madur pu pichot : 4 mm de loungour pèr lou mai en liogo de 5 e mai pèr Juncus acutus. Coumpara emé lou jounc-pounchu que ié sèmblo proun.

Usanço :
Èi bessai manjadis coume soun cousin lou jounc-pounchu, mai n'en sabèn rèn. Escriéure au site s'avès mai d'entresigne.

Port : Grando erbo
Taio : 30 à 150 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Juncus
Famiho : Juncaceae

Ordre : Poales

Coulour de la flour : Verdo
Petalo : 6
Ø (o loungour) flour : 2 mm
Flourido : Printèms - Estiéu

Sòu : Ca
Autour basso e auto : 0 à 20 m
Aparado : Noun

Liò : Mar - Sablo
Estànci : Mesoumediterran
Couroulougi : Eurimediterranenco-Nord-Èst
Ref. sc. : Juncus littoralis C.A.Mey., 1831 (= Juncus tommasini Parl., 1857 )

Esteleto(-de-bos)

Stellaria nemorum

Caryophyllaceae

Noms en français : Stellaire des bois, Stellaire des forêts.

Descripcioun :
L'esteleto-de-bos subsp. nemorum èi di proun raro dins noste relarg. Se destrìo de la subsp. montana que si bratèio en formo de fueio soun de mai en mai pichoto à flour e mesuro que mountas dins la planto. Apoundèn que li grano porton de gibeto en formo de musclau.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai. Tant se pòu que siegue manjadisso e vertuouso coume soun cousin lou mourihoun.